دنیا کی چند دلچسپ و عجیب عمارات

دنیا بھر میں آپ کو تمام سائز اور تمام اشکال کی عمارات دکھائی دیں گی- لیکن بہت کم عمارات ایسی ہیں جن کو دیکھتے ہی نظر ان پر ٹھہر جاتی ہے- یہ عمارات دلچسپ و عجیب اسٹرکچر کے باعث دنیا بھر کے لوگوں کی توجہ کا مرکز بنی ہوئی ہیں- ان عمارات کو دیکھ کر ان کو تعمیر کرنے والے ماہر تعمیرات کے فن کا بخوبی اندازہ لگایا جاسکتا ہے- Shark Bar یہ دلچسپ عمارت ایک پرانی کشتی کی مدد سے تعمیر کی گئی ہے اور یہ بانسوں پر کھڑی ہے- یہ عمارت روس کے علاقے Perm میں تعمیر کی گئی ہے- Habitat 67 یہ عجیب و غریب ڈیزائن کی مالک عمارت کینیڈا کے شہر مونٹریال میں تعمیر کی گئی ہے- یہ ایکسپو 67 یہ 1967 میں منعقد ہونے والے ورلڈ فئیر کے لیے تعمیر کی گئی تھی- Teakettle Building کافی مگ کی شکل میں تعمیر کی جانے والی یہ عمارت امریکہ میں واقع ہے- یہ عمارت 1950 میں تعمیر کی گئی جو کہ ایک ریسٹورنٹ کے طور پر اپنی خدمات سرانجام دیتی رہی- Piano shaped building پیانو کی شکل میں ڈیزائن کی جانے والی یہ عمارت چین کے شہر Huainan میں واقع ہے- سال 2007 میں تعمیر کی جانے والی یہ دلچسپ عمارت رات کے وقت روشنیوں کی وجہ سے مزید پرکشش معلوم ہوتی ہے- Hang Nga Guesthouse a.k.a Crazy House یہ ایک انتہائی عجیب و غریب ڈیزائن کی حامل عمارت ہے اور اس کی مالک ویتنام کے سابق صدر کی بیٹی ہیں- اس عمارت کے ڈیزائن میں کسی قسم کے معیار کو مدنظر نہیں رکھا گیا- یہ عمارت ویتنام میں ہی واقع ہے- Guitar Museum گٹار کی شکل میں تعمیر کی جانے والی یہ عمارت امریکہ میں ہے اور یہ دنیا کا واحد گٹار کی شکل تعمیر کیا جانے والا میوزیم ہے- یہ عمارت 1983 میں تعمیر کی گئی تھی- Puzzling World Lake Wanaka یہ دلچسپ عمارت نیوزی لینڈ کے علاقے Otago میں موجود جھیل Wanaka کے نزدیک تعمیر ہے- اس کی تعمیر کا مقصد سیاحوں کو متوجہ کرنا تھا-